ប្រមាណឆ្នាំ ៧០២ មុនគ.ស. (២ពង្សាវតារក្សត្រ ២០:២០; ២របាក្សត្រ ៣២:១-៨) ដោយសារស្ដេច ហេសេគា បានគិតថា ស្ដេចអាសស៊ើរនឹងមកវាយប្រហារក្រុងរបស់ទ្រង់ ដូច្នេះហើយទើបទ្រង់ពង្រឹងក្រុងយេរូសាឡឹម។ ស្ដេច ហេសេគា បានពង្រឹងទីក្រុងដោយជួសជុលកំផែងទីក្រុងដែលបែកបាក់ ក៏ដូចជាបង្វែរនាំពីស្រះគីហុនឲ្យចូលក្នុងក្រុង។ ទ្រង់ក៏បានត្រៀមទ័ពដែលបំពាក់ដោយអាវុធ និងខែល ហើយទ្រង់ក៏បានតែងតាំងមេទ័ពលើពួករាស្ត្រផងដែរ។ បុរាណវិទូក៏បានសន្មតផងដែរថា ទ្រង់បានសង់កំផែងថ្មី ដើម្បីបិទផ្នែកនៃក្រុងខាងឯទិសកូនភ្នំខាងលិច ហើយទ្រង់ក៏បានសង់ទួលភ្នំព្រះវិហារជុំវិញព្រះវិហារដែលស្ដេច សាឡូម៉ូន បានសង់។
Related Products
