នៅឆ្នាំ ៥៨៦ មុនគ.ស. (២ពង្សាវតារក្សត្រ ២៤:១០-១៧; ២៥:១-២៦) ជាការដាក់ទោសលើស្ដេច សេដេគា ព្រោះទ្រង់បានបះបោរ ស្ដេច នេប៊ូក្នេសា បានមកវាយប្រហារក្រុងយេរូសាឡឹម។ ក្រោយពេលពួកបាប៊ីឡូនបានវាយបំបែកកំផែងនៅផ្នែកកណ្ដាលនៃខ្លោងទ្វារ ស្ដេច សេដេគា ឃើញថា អនាគតគាត់គឺនឹងត្រូវចប់ហើយ បើគាត់បន្តនៅក្នុងទីក្រុង ដូច្នេះគាត់ និងទាហានរបស់គាត់ក៏ព្យាយាមរត់គេចទាំងកណ្ដាលយប់តាមចន្លោះទ្វាររវាងកំផែងពីរនៅទិសខាងត្បូងឆៀងខាងកើតនាជ្រុងទីក្រុង។ តែសាសន៍បាប៊ីឡូនបានដេញតាមគាត់ ហើយក៏បានចាប់គាត់នៅជិតក្រុងយេរីខូរ រួចបានបញ្ជូនទៅរីមឡា ដើម្បីដាក់ទោស។ បន្ទាប់មកស្ដេច នេប៊ូក្នេសា ក៏បានបំផ្លាញកំផែងក្រុងយេរូសាឡឹម និងព្រះវិហារ ហើយក៏បានចាប់មនុស្សជាច្រើនយកធ្វើជាឈ្លើយនៅស្រុកបាប៊ីឡូន។
Related Products
