ឆ្នាំ ៨៩៥ មុនគ.ស. (១ពង្សាវតារក្សត្រ ១៥:១៦-២២; ២របាក្សត្រ ១៦:១-៦) ខណៈពេលដែលសាសន៍អ៊ីស្រាអែល និងសាសន៍យូដាកំពុងធ្វើសង្គ្រាម ដើម្បីវែកញែកព្រំដែនឲ្យបានដាច់ស្រេចពីគ្នា ពេលនោះស្ដេច ប្អាសា នៃសាសន៍អ៊ីស្រាអែលបានរើព្រំដែនចុះទៅរ៉ាម៉ា ដើម្បីកាត់បន្ថយការចេញចូលរបស់ពួកយូដា។ ស្ដេច អេសា នៃសាសន៍យូដាបានជួលបេន-ហាដាឌ់នៃសាសន៍ស៊ីរីឲ្យទៅវាយប្រហារនៅព្រំដែននៃនគរខាងជើងរបស់អ៊ីស្រាអែល ហើយបង្ខំស្ដេច ប្អាសា ឲ្យដកទ័ពថយចេញពីស្រុករ៉ាម៉ា ជាជាងចេញទៅច្បាំងជាមួយនឹងស្ដេច ប្អាសា ផ្ទាល់។ ក្រោយពេលស្ដេច ប្អាសា បានដកទ័ពថយចេញរួចមក ពេលនោះ ស្ដេច អេសា ក៏ដឹកយកសម្ភារៈនៅរ៉ាម៉ាយកទៅពង្រឹងមីសប៉ា (ដែលនៅទិសខាងជើងបំផុត) និងកេបា (នៅជិតច្រកមីកម៉ាស)។