អំឡុងឆ្នាំ ១៤០០ មុនគ.ស. ឬក៏ ១២១៤ មុនគ.ស. (យ៉ូស្វេ ១៣:៦-២១:៤៥) ស្របពេលយកជ័យជម្នះលើពួកកាណាន លោក យ៉ូស្វេ បានកាត់ប្លង់ដីឲ្យពូជអំបូរនីមួយៗនៃសាសន៍អ៊ីស្រាអែល។ ទោះជាយ៉ាងណាក្ដី ក៏ព្រំដែននៃប្លង់ដីទាំងនេះមិនមែនជាដីដែលពូជអំបូរនីមួយៗបានយក ហើយរស់នៅ បន្ទាប់ពីបានយកជ័យជម្នះលើកាណានទេ។ ពូជអំបូរមួយចំនួន ដូចជាដាន់ មិនមានលទ្ធភាពក្នុងការដេញពួកកាណានដែលរស់នៅលើទឹកដីដែលពួកគាត់ទទួលបាននោះទេ (យ៉ូស្វេ ១៩:៤៧)។ ហើយក៏មានពូជអំបូរមួយចំនួនទៀតបានវាយយកទឹកដីដែលមិនមានក្នុងប្លង់ដើមរបស់ខ្លួនដែរ (យ៉ូស្វេ ១៧:១១)។