៥៣៨-៣៣២ មុនគ.ស. (អែសរ៉ា ២:១-៣៤; នេហេមា ៣:១-៣២; ៧:៦-៣៨; ១១:២០-២៦) ក្រោមអាណានិគមសាសន៍ពើស៊ី ទឹកដីសាសន៍អ៊ីស្រាអែល (ឥឡូវហៅថា សាម៉ារី) និងសាសន៍យូដា គឺត្រូវបានរាប់ជាខេត្តតូចៗក្នុងចំណោមខេត្តដែលនៅខាងនាយទន្លេ។ មើលទៅពួកអេដំមហាក់បីដូចជាបានយកទឹកដីពួកយូដានៅត្រង់ព្រំប្រទល់ខាងត្បូង បន្ទាប់ពីយេរូសាឡឹមបានដួលរលំពេលសាសន៍បាប៊ីឡូនមកវាយប្រហារ ហើយទឹកដីនោះត្រូវបានគេហៅថាជាទឹកដីពួកអេដំម។ ព្រំប្រទល់ខ័ណ្ឌទាំងនេះនៅបែបនោះ ឬក៏ប្រហែលគ្រាន់តែមានការផ្លាស់ប្ដូរតែបន្តិចបន្តួចប៉ុណ្ណោះក្រោមសម័យកាលនៃអាណានិគមសាសន៍ពើស៊ី។ ពួកសាសន៍យូដាដែលបានត្រឡប់មកវិញភាគច្រើនពួកគេតាំងទីលំនៅនៅស្រុកយូដាតែម្ដង ប៉ុន្តែក៏មានអ្នកខ្លះបានទៅរស់នៅស្រុកវាលនៃអូណូរ និងស្រុកអេដំមដែរ។