ប្រមាណឆ្នាំ ៥៨៦ មុនគ.ស. (យេរេមា ៤៦:១-២៥) មានគ្រួសារជាច្រើនដែលជាអ្នកដឹកនាំនៅសាសន៍យូដា តែត្រូវបានគេវាយឈ្នះ
ពួកគេបានសម្រេចចិត្តរត់ភៀសខ្លួនទៅឯស្រុកអេស៊ីព្ទ ដើម្បីគេចពីកំហឹងរបស់សាសន៍បាប៊ីឡូន ដោយសារការធ្វើឃាតស្ដេច កេដាលា។ ទោះបើហោរា យេរេមា បានហាមពួកគេមិនឲ្យធ្វើដូចនោះក៏ដោយ ក៏គេនៅបង្ខំឲ្យគាត់ទៅតាហាពេនេសនៅស្រុកអេស៊ីព្ទជាមួយពួកគេដែរ។ នៅទីនោះគាត់បានទាយទាស់នឹងសាសន៍អេស៊ីព្ទ និងសាសន៍យូដាដែលបានរត់គេចទៅទីនោះដែរ។ បុរាណវិទូបានរកឃើញភស្តុតាងដែលបង្ហាញថា មានសាសន៍យូដាជាច្រើនបានភៀសខ្លួនទៅស្រុកអេស៊ីព្ទ រហូតដល់អេលភានថីន (Elephantine) នៅកន្លែងទឹកជ្រោះនៃទន្លេនីល។