(១សាំយូអែល ៣០:១៦-៣១) ខណៈពេលលោក ដាវីឌ និងទ័ពរបស់គាត់កំពុងរកទីជម្រកនៅស្រុកប៉ាឡេស្ទីន ពួកភីលីស្ទីនបានប្រមូលទ័ពគេនៅឯអាផែក ដើម្បីទៅច្បាំងជាមួយសាសន៍អ៊ីស្រាអែល។ ដោយសារមេទ័ពពួកភីលីស្ទីនមិនសូវទុកចិត្តលើភាពស្មោះត្រង់របស់លោក ដាវីឌ ពេលទៅច្បាំងនឹងពួកអ៊ីស្រាអែល ដូច្នេះពួកគេក៏ប្រាប់លោក ដាវីឌ ឲ្យត្រឡប់ទៅផ្ទះនៅស៊ីកឡាក់វិញទៅ។ ពេលលោក ដាវីឌ បានមកដល់ គាត់ឃើញថា ពួកអាម៉ាលេកបានមកលួចប្លន់នៅស្រុកវាល ហើយបានដុតក្រុងស៊ីកឡាក់ ថែមទាំងបានចាប់មនុស្សយកទៅ និងយកទ្រព្យសម្បត្តិផងដូច្នេះ នោះលោក ដាវីឌ និងទ័ពរបស់គាត់បានដេញតាមពួកគេ ឆ្លងជ្រោះបេសោរ ហើយក៏បានវាយប្រហារពួកអាម៉ាលេក។ លោក ដាវីឌ បានយករបស់អ្វីៗទាំងអស់ដែលពួកអាម៉ាលេកបានប្លន់ត្រឡប់ទៅក្រុងស៊ីកឡាក់វិញ ហើយក៏បានផ្ញើរបស់របរខ្លះៗដែលគាត់បានយកមកវិញ ទៅដល់អ្នកដឹកនាំដែលនៅជិតខាងក្រុងស៊ីកឡាក់ដែលរួមមានដូចជា៖ ក្រុងបេត-អែល ក្រុងស៊ីពម៉ូត ក្រុងរ៉ាកាល និងក្រុងកែន។