នៅឆ្នាំ ៧០១ មុនគ.ស. (២ពង្សាវតារក្សត្រ ១៨:១៣-៣៧; ២របាក្សត្រ ៣២:១-២៣) កាលស្ដេច ហេសេគា កំពុងសោយរាជ្យ ស្ដេច សានហេរីប ដែលជាស្ដេចអាសស៊ើរបានវាយប្រហារទីក្រុងមួយចំនួននៅជាយទឹកដីយូដាខាងលិច។ គាត់បានចាត់មេទ័ពឲ្យទៅឡោមព័ទ្ធក្រុងយេរូសាឡឹម ហើយឲ្យបញ្ចុះបញ្ចូលស្ដេច ហេសេគា ឲ្យចុះចាញ់នឹងគាត់។ ស្ដេច ទារហាកា ដែលជាស្ដេចសាសន៍អេធីយ៉ូពីបានចេញមកពីស្រុកអេស៊ីព្ទ ដើម្បីជួយគាំទ្រស្ដេច ហេសេគា ប៉ុន្តែមើលទៅគាត់ក៏បរាជ័យដែរ។ ការឡោមព័ទ្ធក្រុងយេរូសាឡឹមបានបរាជ័យ ពេលដែលទេវតារបស់ព្រះអម្ចាស់បានមកសម្លាប់ទ័ពអាសស៊ើរដែលមានចំនួន១៨៥,០០០ក្នុងរយៈពេលតែមួយយប់។ ស្ដេច សានហេរីប បានដកថយ ហើយត្រឡប់ទៅនីនីវេវិញ ហើយនៅទីនោះកូនៗរបស់គាត់បានសម្លាប់គាត់។
Related Products
